Hvort viljum við fara 50 ár eða hálfa öld tilbaka í lífskjörum, þægindum og munaði?

Án þess að hafa hundsvit á þessum málum, blogga ég samt um þau!  Það gera margir fleiri þótt þeir viti lítið meira.

Mér sýnist stundum að valdhafar, ráðgjafar og samningafólk, viti jafnvel lítið meira en ég... stundum.  Munurinn er sá að ég viðurkenni fávísi mína, fáfræði og skilningsleysi.  Þar tel ég mig fremri en allavega "sumir".

Íssparnaðurinn ógurlegi ICESAVE (sem nú orðið vekur flestum óhug, hræðslu, reiði, örvæntingu og jafnvel ógleði) er það sem allt virðist velta á nú og um ÓKOMINN TÍMA.

Ég skil ekki af hverju við þurfum að borga skuld sem við stofnuðum ekki til.  Skil þó að þessi böggull verður gapastokkur þjóðarinnar. Og það lengur en við viljum vita.

Sagt er að við færum 50 ár aftur í tímann í lífskjörum ef við neituðum að borga. Það væri vegna þess að við yrðum einangruð að einhverju/miklu/öllu leyti og þyrftum að láta duga fábreyttara mataræði og aðstæður sem við höfum ekki vanist á undanförnum velmegunartímum.

Ef við samþykkjum skilmála greiðslna ICESAVE, virðist einsýnt að þjóðin ræður ekki við greiðslur vaxta og afborgana.  Við gætum staðið frammi fyrir því að eiga rétt til hnífs og skeiðar (jæja, þetta var "dramatískt") vegna skuldbindinga sem jafnvel NÚNA sést ekki fram úr.

Þá lentum við líklega á mjög svipuðum stað, u.þ.b. 50 ár aftur í tímann.

Ég var LIFANDI fyrir 50 árum og ég er LIFANDI núna. 

Hver segir að við höfum ekki úr neinu að velja.

 

Ungfrú Barbie "varð til" fyrir 50 árum og tórir enn.

 

Þetta er minning frá því fyrir fimmtíu árum.  Húsbyggingarnar virðast ekki vera frá sama tíma og þessi flotta kona í Hafnarfirði!?!

Draga saman seglin - með reisn og sjálfsöryggi <<<O>>> eða láta dragast inní ófyrirséða hringiðu.

Athugasemdir

[Jóna Kolbrún Garðarsdóttir, 27.6.2009 kl. 03:18]

Auðvitað eigum við að draga saman seglin, með reisn.  Ekki láta hneppa okkur í þrældóm. 

[Dúa, 27.6.2009 kl. 05:05]

Veit ekki hvort er verra 50 ár aftur í tímann eða 50 ár aftur í tímann.......nema að betra væri í mínum huga að hafa afturhvarfið sem sjálfstæð þóð

[Húnbogi Valsson (IP-tala skráð) 27.6.2009 kl. 07:58]

Ég er alveg til í að fórna öllum þægindum og lúxus. Orðinn hundleiður á slíku. Að borða siginn fisk og grásleppu hversdags væri bara indælt. En mér er meinilla við að verða fátækur.

[Óskar Þorkelsson, 27.6.2009 kl. 09:34]

hmm þetta vekur upp minningar.. að vísu bara 35 ár aftur í tímann.. fiskur á borðum 6 daga vikunnar.. lambalæri eða hryggur á sunnudegi og 1 líter af kók fyrir 5 manns..  þetta var ekkert slæmt minnir mig :)

[Rut Sumarliðadóttir, 27.6.2009 kl. 12:34]

Dúa sagði allt sem ég vildi segja.

[Eygló, 27.6.2009 kl. 13:07]

Mig grunaði að ég "talaði" ekki fyrir daufum eyrum (skrifaði ekki fyrir blindum augum??)

Viljum sennilega flest leggja ýmislegt á okkur fyrir sjálfstæðið, - okkar persónulega OG þjóðarinnar.

[Guðrún Emilía Guðnadóttir, 27.6.2009 kl. 17:56]

Ég var 16 ára fyrir 50 árum ólst upp í Reykjavík og sætti mig við fiskinn 6 daga vikunnar, elska fisk.
Ég vill ekki gerast undirlæga, heldur ekki vera fátæk, en mundi sætta mig við það með reisn ef með þyrfti.

Takk fyrir góðan pistil og myndin er yndisleg, úr firðinum mínum fagra.
Kveðja
Milla.

[Hildur Helga Sigurðardóttir, 28.6.2009 kl. 00:11]

50 ár eða hálfa öld ?

[Jakobína Ingunn Ólafsdóttir, 28.6.2009 kl. 00:19]

Betra fátæk en þræll undirlægjunar.

[Eygló, 28.6.2009 kl. 01:51]

Já, Hildur Helga, hvort viltu?  sbr. pælingar í færslunni.

Hringdu í mig milli kl 11:30 og hálf tólf!

[Brjánn Guðjónsson, 28.6.2009 kl. 02:34]

ég ætla í torfkofabransann. held það verði aldeilis uppgrip þar

[Eygló, 28.6.2009 kl. 03:08]

... svo tökum við alla þessa sauðslegu í samfélaginu og saumum skó úr þeim, - með ýsubeinsnálum.

Ert þú til í að byrja á vorksjoppinu svo kem ég og sauma, samt ekki að þér!