Toppstöðin - virðingarvert framtak

Hlekkur á Toppstöðina 

Fréttablaðið, 25. jún. 2009

Frumkvöðlarnir verða í Toppstöðinni

Toppstöðin Landsvirkjun hefur gefið heimild fyrir tímabundin afnot af byggingu varaflstöðvar í Elliðarárdal. Fréttabl/Vilhelm

Borgarráð hefur samþykkt að heimila rekstur frumkvöðlaseturs í svokallaðri Toppstöð í Elliðaárdal.

„Hugmyndin felst í því að skapa hönnuðum, arktitektum og iðnaðarmönnum sameiginlegan vettvang til að skapa nýjar vörur, þekkingu og hugvit í afmörkuðu rými varaflstöðvarinnar," segir í greinagerð með tillögu Hönnu Birnu Kristjánsdóttur borgarstjóra. Semja á við áhugahóp um nýtingu Toppstöðvarinnar og sagt koma til greina að hleypa fleirum inn í húsið.

Tveir fyrrverandi borgarstjórar ítrekuðu í borgarráði að rífa ætti bygginguna.

„Ég hef verið og er enn þeirrar skoðunar að rífa eigi Toppstöðina eins og ávallt hefur staðið til, enda húsið lýti í umhverfinu," segir í bókun Vilhjálms Þ. Vilhjálmssonar og tekið er í svipaðan streng í bókun Ólafs F. Magnússonar:

„Ég hvet eindregið til þess að Toppstöðin í Elliðaárdal verði rifin þegar í stað, í fyrsta lagi sem hluti verndunarstefnu gagnvart Elliðaánum í öðru lagi sem hluti atvinnuskapandi verkefnis með skýra framtíðarsýn í þágu komandi kynslóða að leiðarljósi."

Þorleifur Gunnlaugsson, borgarráðsfulltrúi vinstri grænna, sat hjá við atkvæðagreiðsluna. Þorleifur segir nauðsynlegt að rífa húsið en að það verði borginni mjög dýrt á erfiðum tímum. „Borgarráðsfulltrúi VG telur því skynsamlegt að leyfa starfsemi í húsinu um tíma en það verður jafnframt að vera tryggt að sú starfsemi hamli ekki niðurrifi hússins þegar betur árar." - gar

/leturbreytingar eru mínar/ey/

Íslendingar trúa á jólasveininn

Þessu slær Lars Peder Brekk, norski landbúnaðarráðherra fram í viðtali við norska Aftenposten. Þarna líkir hann trú okkar á "sérafgreiðslu" inn í ESB við jólasveinatrúna:

Hann álítur litlar líkur á að ESB samþykki ýmsar sérkröfur um fisk.

"Landbruksminister Lars Peder Brekk sier Island tror på julenissen

dersom de tror på varige særordninger i EU for fisk"

Auður og Ógildur

... þau mektarhjón.

Sértu að hugsa um að skila auðu, mæta ekki á kjörstað eða ónýta kjörseðilinn þinn, þá hefurðu auðvitað leyfi til þess, en verður þá líka að vera sáttur við að sú "aðferð"styður þá sem mest fylgið fá.

En frelsið til að FÁ að kjósa er nú flestum dýrmætara.

Ef þú ert eins og margur; ekki viss um hvað kjósa skuli, nennir ekki á kjörstað eða skutlar snifsinu auðu í kassann, pældu þá í hvað það þýðir (nei, nei, engin hótun)

Dæmi, ef:

xD   fengi 20%

xV   fengi 30%

xS   fengi 32%

xB   fengi   7%

xO   fengi   8%

Aðrir           3%

Þá hefur þitt auða eða ónýta atkvæði, eða heimaseta, sama gildi hlutfallslega og þessar % sem koma fram, t.d. færu 20% til Sjálfstæðisflokks og 30% til Vinstri grænna.  Ef þér líst ekki nógu vel á neinn, gáðu hvort þér líst þá ekki allavega ILLA á eitthvert framboðið

Í öllum bænum notum a.m.k. ÚTILOKUNARAÐFERÐINA frekar en að ónýta þennan lýðræðislega rétt okkar. 

 

Nýtum tímann, koðnum ekki niður, finnum samherja

Námskeiðin eru opin öllum og það er ekkert þátttökugjald.

 

Nýttu tímann:

Námskeið – Fyrirlestrar – Samvera

er ætlað að ná til atvinnulausra og þeirra sem hafa þurft að minnka við sig vinnu. Verkefnið er að sjálfssögðu opið öllum en áhersla er lögð á að ná til fyrrgreindra hópa. Áhersla er lögð á að leiðbeinendur komi úr röðum sjálfboðaliða og atvinnulausra.  Leiðbeinendurnir þurfa ekki að vera fagmenn heldur bara sjálfboðaliðar með kunnáttu á viðfangsefninu hverju sinni.

 

Námskeiðin verða

 

mars, apríl og maí

á

mánudögum og miðvikudögum

kl. 10-13

 í sjálfboðamiðstöð Rauðakrossdeildar Kópavogs 

Hamraborg 11, 2.hæð

 

Kanntu fatasaum, Tai Chi, jóga, skák, bridds eða á GPS-tæki? Gætirðu hugsað þér að stjórna söngstund eða búa til súpu fyrir þátttakendur?  Endilega komdu,  og við hjálpumst að.

 

 

Ertu án atvinnu? Hefurðu misst hlutverk í lífinu? Ertu dapur, vonlaus, áhugalaus og vantar hvatningu? Vantar þig samherja?

EF EITTHVAÐ AF ÞESSU Á VIÐ ÞIG EÐA ÞÁ SEM ÞÚ ÞEKKIR

ÞÁ ER TIL NOKKUÐ SEM HEITIR 

HLUTVERKASETUR 

 

Ert þú atvinnulaus?                                                            Viltu auka virkni þína og orku?

Er depurð og kvíði að hrjá þig?                                        Viltu efla sjálfsmyndina?

Er vonleysið að taka völdin?                                             Viltu láta gott að þér leiða?

                                                     Vantar þig hvatningu?

                                                     Vantar þig samherja?

                                                     Vantar þig hlutverk?

 

Minnkandi sjálfstraust og áföll hafa áhrif á almenna líðan.  Við verðum að leita allra leiða til að halda heilsu; andlegri og líkamlegri, sérstaklega núna þegar allt virðist breytt.  Með því að halda virkni gætum við auðveldar aðlagast breyttum aðstæðum og þar með bætt lífsgæði okkar og annarra.  

Hlutverkasetur hvetur þá, sem misst hafa hlutverk og/eða eiga við andlega vanlíðan að stríða til að koma og taka þátt í að byggja upp, koma reglu á lífið, og kynnast fólki í svipuðum aðstæðum. 

Starfsfólkið veitir einstaklingsmiðaða hvatningu og stuðning, með samveru, samskiptum og sameiginlegum verkefnum sem miða að því að efla getu einstaklings við að aðlagast. Þar starfa m.a. iðjuþjálfar, með sérþekkingu í að virkja fólk. Þá starfa einstaklingar sem komist hafa í gegnum hremmingar.

Þið getið kynnt ykkur starfsemina 

og/eða bent þeim á sem í vanda eru staddir.

 

 

HLUTVERKASETUR er að Laugavegi 26 - GENGIÐ INN GRETTISGÖTUMEGIN  - sími 517 3471

Í næstu kosningum kýs ég:

Fólk sem ætlar að:

koma kvótanum aftur í hendur þjóðarinnar (í stað þess að gera upp skuldir þeirra sem eignuðu sér hann).

koma stjórnarskránni í skýrara og auðskiljanlegra form (bæta inní og breyta því sem valdið hefur misskilningi og hægt er að túlka á fleiri vegu)

koma vitinu fyrir þá sem ætla að reyna að renna okkur inní ESB (halda okkur utan þess að verða mús í kattaveldi)

koma á "nýju" lýðveldi. (Það sem nú tórir, virðist hafa gengið sér til húðar að einhverju leyti)

Sumt ofangreinds VERÐUR að gerast. Sætti mig við að vanti eitt til tvö atriði.

Fékk trú á 'MÆ FELLÓ SITISENS'

Þegar þeir hættu öllum hávaða, á meðan jarðarför fór fram.

Þegar þeir færðu lögregluþjónum túlípana (og heitt kókó?)

Þegar þeir mynduðu varnarvegg til að vernda lögregluþjónana.

Þegar þeir söfnuðu ullarvörum til að senda eldri borgurum í Bretlandi.

Þegar þeir stilltu sig eftir að forsætisráðherra hafði tilkynnt um veikindi sín.

Þegar þeir merktu sig af því að þeir vildu ekki láta orða sig við ofbeldisfull mótmæli.

Þegar þeir héldu fund til að mótmæla beitingu ofbeldis í annars friðsömum mótmælum.

Grímur með grímur

Ég get ekki skilið hvers vegna sumt fólk bölsótast svona yfir því að fólk í mótmælaaðgerðum, hylji að hluta andlit sitt. (þessi asnalega málnotkun "fólk í mótmælaaðgerðum" kom til eftir djúpa ígrundun um það hvernig hægt væri að komast hjá því að nota "mótmælendur". Þá hefði mér fundist ég verða að fjalla um kaþólikka líka)

Séu grímurnar notaðar sem skjöldur og skjól til að "fela" sig á bakvið, þegar framinn er einhver gjörningur sem hvorki þolir dagsljósið né undurfagra ásjónu gerandans, þá fordæmi ég gjörðirnar jafnt sem gunguháttinn.

Hitt er eðlilegt og mjög svo skiljanlegt og fjölmargar ástæður geta verið fyrir því að fólk vilji ekki þekkjast á myndum. Sjónvarpsvélar suða og myndavélar blaðamannanna smella. 

Er það ekki skiljanlegt að afi vilji ekki sjást í sjónvarpinu í næsta fréttatíma? Það er ekki líklegt að afastrákur eða -stelpa skilji upp eða niður í tilefninu. (vonandi)

Svipað er með rólyndisömmuna sem horfir á sjónvarpsfréttirnar. Henni brygði örugglega illilega að sjá "barnið í einhverjum óeirðum". Jafnvel þótt "barnið" væri komið á þrítugsaldurinn : )

Fólk getur heldur ekki treyst því að vinnuveitandi og/eða samstarfsfólk hafi skilning á málefninu.

Ég man hvernig breyttist álit mitt á "fullkomna" barnakennaranum mínum, þegar ég sá hann eftir nokkur ár - með sígarettu : (   Þess vegna verður mér hugsað til kennara sem vill alls ekki láta "krakkana sína" í fyrstu bekkjum sjá sig á/í mynd frá mótmælum.  Einhverjum kynni að þykja "óþægilegt" ef hjúkkan, læknirinn, presturinn sæjust í sömu aðstæðum.

Þá getur verið glúrið að hafa klút til að setja fyrir vitin ef von er á gasi. Svo heldur góður trefill vel hita þegar svona kalt er.

Kannski finnst einhverjum líka full ástæða til að troða vel fyrir nefið - svo mikil skítalykt er af mörgum málum í samfélaginu okkar.

MÓTMÆLUM ÁFRAM, MEÐ EÐA ÁN GRÍMU EN EINS OG SKYNSAMT OG SIÐAÐ FÓLK!

Ef þú ert atvinnulaus, dapur, vonlaus, áhugalaus og vantar hvatningu og samherja...

Svona spyr fyrirbæri sem kallar sig

HLUTVERKASETUR 

 

Ert þú atvinnulaus?                                                            Viltu auka virkni þína og orku?

Er depurð og kvíði að hrjá þig?                                        Viltu efla sjálfsmyndina?

Er vonleysið að taka völdin?                                             Viltu láta gott að þér leiða?

                                                     Vantar þig hvatningu?

                                                     Vantar þig samherja?

                                                     Vantar þig hlutverk?

 

Minnkandi sjálfstraust og áföll hafa áhrif á almenna líðan.  Við verðum að leita allra leiða til að halda heilsu; andlegri og líkamlegri, sérstaklega núna þegar allt virðist breytt.  Með því að halda virkni gætum við auðveldar aðlagast breyttum aðstæðum og þar með bætt lífsgæði okkar og annarra.  

Hlutverkasetur hvetur þá, sem misst hafa hlutverk og/eða eiga við andlega vanlíðan að stríða til að koma og taka þátt í að byggja upp, koma reglu á lífið, og kynnast fólki í svipuðum aðstæðum. 

Starfsfólkið veitir einstaklingsmiðaða hvatningu og stuðning, í gegnum samveru, samskipti og sameiginleg verkefni, sem miða að því að efla getu einstaklings við að aðlagast. Þar starfa m.a. iðjuþjálfar, með sérþekkingu í að virkja fólk. Þá starfa einstaklingar sem komist hafa í gegnum hremmingar.

Þið getið kynnt ykkur starfsemina (Laugavegi 26?) og/eða bent þeim á, sem í vanda eru staddir.