Að vísu ekki dýrt kveðið en örlítið heilandi? "Nágranninn"

Nágranninn

6/7/2009

2007 Ég á minnsta húsið í götunni,
húsið sem stendur hjá Lödunni.
Þegar granninn rennir í pottinn hjá sér-
kólna allir ofnarnir hjá mér.
Eftir að granninn gerði upp garðinn hjá sér
skín ekki sólin lengur í garðinn hjá mér.
Granninn fær ráðherrana í grillið til sín
og bræluna leggur svo yfir til mín.

Granninn á jeppa af flottustu sort,
en ég á bara ljóta Lödu Sport.
Ég fer í vinnuna með rútunni,
en hann með einkaþyrlunni.

2008

Konan hans eldist ekki hætings hót,
en mín er alltaf bæði feit og ljót.
Granninn er stæltur og með hárið ljóst,
En ég er bæði með ístru og lafandi brjóst.

Þegar granninn er með veislu hjá sér,
býður hann öllum, öllum - nema mér.
Elton John skemmti lýðnum í afmælinu,
en ég hafði bara efni á Breiðbandinu.

Óþolandi er oft, vel stæði granninn minn,
Það trúa því fáir, að hann sé sonur minn.

2009

Nú er hann kominn á heimilið mitt
og fluttur í gamla herbergið sitt.
Í kreppunni hann missti allt sitt fé.
Og nú á hann minni pening en ég.

Það kviknaði í báðum jeppunum,
og konan er farin frá honum.
Nú hangir hann heima rosa down,
og bölvar og ragnar Gordon Brown.

Höf. óþekktur

Athugasemdir

[Jóna Kolbrún Garðarsdóttir, 8.7.2009 kl. 01:10]

Þessi leirburður er alltaf jafn skemmtilegur, og lýsir vel brjálaðinu hérna undanfarin ár. 

[Jakobína Ingunn Ólafsdóttir, 8.7.2009 kl. 01:30]

[Óskar Þorkelsson, 8.7.2009 kl. 07:59]

góð vísa

[Björn Birgisson, 8.7.2009 kl. 13:07]

Skemmtilegt! Takk fyrir!

[Steini (IP-tala skráð) 8.7.2009 kl. 20:52]

Sú stórgóða sveit Breiðbandið á þennan texta og það er hægt að finna video af þeim félögum þar sem þeir flytja lagið á facebook ( þú finnur það ef þú grefur sodddið í gömlu færslunum mínum á facebook ).

[Eygló, 8.7.2009 kl. 23:41]

"BREIÐBANDIÐ" á sem sagt heiðurinn af þessum skáldskap og "Steini IP" segir video með þeim til að flytja lag og texta.

[Magnús Geir Guðmundsson, 10.7.2009 kl. 10:40]

Ja og hérna!