Nýtum tímann, koðnum ekki niður, finnum samherja

Námskeiðin eru opin öllum og það er ekkert þátttökugjald.

 

Nýttu tímann:

Námskeið – Fyrirlestrar – Samvera

er ætlað að ná til atvinnulausra og þeirra sem hafa þurft að minnka við sig vinnu. Verkefnið er að sjálfssögðu opið öllum en áhersla er lögð á að ná til fyrrgreindra hópa. Áhersla er lögð á að leiðbeinendur komi úr röðum sjálfboðaliða og atvinnulausra.  Leiðbeinendurnir þurfa ekki að vera fagmenn heldur bara sjálfboðaliðar með kunnáttu á viðfangsefninu hverju sinni.

 

Námskeiðin verða

 

mars, apríl og maí

á

mánudögum og miðvikudögum

kl. 10-13

 í sjálfboðamiðstöð Rauðakrossdeildar Kópavogs 

Hamraborg 11, 2.hæð

 

Kanntu fatasaum, Tai Chi, jóga, skák, bridds eða á GPS-tæki? Gætirðu hugsað þér að stjórna söngstund eða búa til súpu fyrir þátttakendur?  Endilega komdu,  og við hjálpumst að.

 

 

Athugasemdir

[Jóna Kolbrún Garðarsdóttir, 12.2.2009 kl. 02:35]

Ég kann ýmislegt, en ég er ennþá í fullri vinnu.  Ég veit ekki hversu lengi það verður, þar sem rekstur veitingahúsa er í járnum í dag.    Gott að vita af svona þjónustu, ef á þarf að halda. 

[Eygló, 12.2.2009 kl. 02:43]

Ég segi nú bara; Guði sé lof fyrir þá sem ekki þurfa á að halda. En er ekki líka svolítið gott að "vita af" eins og þú skrifar?  Það verður þá e.t.v. ekki algert þverhnípi ef allt breytist.