Nýtum tímann, koðnum ekki niður, finnum samherja

Námskeiðin eru opin öllum og það er ekkert þátttökugjald.

 

Nýttu tímann:

Námskeið – Fyrirlestrar – Samvera

er ætlað að ná til atvinnulausra og þeirra sem hafa þurft að minnka við sig vinnu. Verkefnið er að sjálfssögðu opið öllum en áhersla er lögð á að ná til fyrrgreindra hópa. Áhersla er lögð á að leiðbeinendur komi úr röðum sjálfboðaliða og atvinnulausra.  Leiðbeinendurnir þurfa ekki að vera fagmenn heldur bara sjálfboðaliðar með kunnáttu á viðfangsefninu hverju sinni.

 

Námskeiðin verða

 

mars, apríl og maí

á

mánudögum og miðvikudögum

kl. 10-13

 í sjálfboðamiðstöð Rauðakrossdeildar Kópavogs 

Hamraborg 11, 2.hæð

 

Kanntu fatasaum, Tai Chi, jóga, skák, bridds eða á GPS-tæki? Gætirðu hugsað þér að stjórna söngstund eða búa til súpu fyrir þátttakendur?  Endilega komdu,  og við hjálpumst að.

 

 

HLUTVERKASETUR >>> ERTU ÁN ATVINNU?

 

 

 

Í síðustu færslu mína setti ég inn kynningu á Hlutverkasetri, Laugavegi 26 (GENGIÐ INN GRETTISGÖTUMEGIN)

Þar sem atvinnulaust fólk er ólíklegt til að hafa efni á hinu eða þessu námskeiðinu, hversu gott og mannbætandi það kunni að vera, verð ég að bæta mikilvægu atriði við.

ÖLL NÁMSKEIÐ ERU ÓKEYPIS.

Einhverja daga er framreidd heit súpa og heimabakað brauð, gegn afskaplega sanngjörnu verði. Það sama á við um kaffi, te o.s.frv.

Ég mæti í HLUTVERKASETUR tvisvar í viku og nýt samveru, námskeiðs, heitrar súpu með brauði og fæ mér kaffi á eftir : )

Á móti læt ég ljós mitt skína ef einhver hefur gagn eða gaman af

 

 

Þeir sem hafa farartæki til umráða, tíma, eldsneyti og nennu

Ég vinn kauplaust hjá Sorpu við að flokka drasl og skila inn á gámastöðvar

Bylgjupappi - heimili	Málmur
Pappír, m.a. dagblöð	Net, kaðlar og troll
Drykkjarfernur	Tuskur
Föt og klæði	Plastumbúðir - heimili
Garðaúrgangur	Rafeindatæki
Gler, postulín og flísar	Rafhlöður
Hjólbarðar	Skilagjaldsskyldar umbúðir
Húsbúnaður	Skrifstofupappír, hvítur afskurður
Jarðvegur	Skór
Kertavax	Spilliefni
Kælitæki	Steinefni
Lyf	Timbur
Óreiðumenn (ekkert skilagjald)

                    

Enginn hægðaleikur okkur að skapi

Rosalega finnst mér ég fyndin núna (brjah!), en ég meina þetta samt í fúlustu (úr dönsku "fuldest"= fyllstu) alvöru. Ég læt ykkur eftir að sjá út alvöruna í "fyndninni" og/eða "fyndnina" í alvörunni.

 

Ef þú ert atvinnulaus, dapur, vonlaus, áhugalaus og vantar hvatningu og samherja...

Svona spyr fyrirbæri sem kallar sig

HLUTVERKASETUR 

 

Ert þú atvinnulaus?                                                            Viltu auka virkni þína og orku?

Er depurð og kvíði að hrjá þig?                                        Viltu efla sjálfsmyndina?

Er vonleysið að taka völdin?                                             Viltu láta gott að þér leiða?

                                                     Vantar þig hvatningu?

                                                     Vantar þig samherja?

                                                     Vantar þig hlutverk?

 

Minnkandi sjálfstraust og áföll hafa áhrif á almenna líðan.  Við verðum að leita allra leiða til að halda heilsu; andlegri og líkamlegri, sérstaklega núna þegar allt virðist breytt.  Með því að halda virkni gætum við auðveldar aðlagast breyttum aðstæðum og þar með bætt lífsgæði okkar og annarra.  

Hlutverkasetur hvetur þá, sem misst hafa hlutverk og/eða eiga við andlega vanlíðan að stríða til að koma og taka þátt í að byggja upp, koma reglu á lífið, og kynnast fólki í svipuðum aðstæðum. 

Starfsfólkið veitir einstaklingsmiðaða hvatningu og stuðning, í gegnum samveru, samskipti og sameiginleg verkefni, sem miða að því að efla getu einstaklings við að aðlagast. Þar starfa m.a. iðjuþjálfar, með sérþekkingu í að virkja fólk. Þá starfa einstaklingar sem komist hafa í gegnum hremmingar.

Þið getið kynnt ykkur starfsemina (Laugavegi 26?) og/eða bent þeim á, sem í vanda eru staddir.