Við erum orðin einum um of gegnsósa, a.m.k. ég

Hjartað tók kipp... Hvað er NÚ!!? ... VARAÐ VIÐ hverju?  Vöxtum. Gat verið. Nýbúið að hækka fjármagnstekjur uppí 15%.  Hvað með unga fólkið með börnin sín og heimilin?

Mér létti stórum þegar IceKreppu slikjan var farin af lesfærum mínum og ég sá loksins að verið var að vara við miklum vatnavöxtum.  Það er svo sem ekkert grín en ekki eins margir í hættu.

Varað við vatnavöxtum

Athugasemdir

[Jóna Kolbrún Garðarsdóttir, 7.8.2009 kl. 02:34]

[Óskar Þorkelsson, 7.8.2009 kl. 08:40]

það er auðvelt að lesa þetta sem vaxtavextir :)

[Eygló, 7.8.2009 kl. 12:16]

já, það var örugglega það sem heilinn í mér las, fyrst.

Við annað tækifæri hefði ég líka getað lesið þetta sem 'vaxtarverkir' - en það hefði svo sem passað líka. Hver er svosem ekki að drepast úr vaxtaverkjum. Það vita allir sem skulda !

[Díta (IP-tala skráð) 9.8.2009 kl. 03:02]

Er orðið vatnavöxtur til í fleirtölu? Held ekki!

Vatnavöxtur, vatnavöxt, vatnavexti, vatnavaxtar. Svo er hægt að setja ákveðinn greini á orðið.

Ertu ekki sammála um að rétt hefði verið að segja: Varað við vatnavexti. Það vex svo mikið, mjög mikið eða ofboðslega mikið í ám.

[Eygló, 9.8.2009 kl. 04:07]

Hæ Díta (Afró-?)

Þetta gæti einmitt verið skýringin á að ég og fleiri lásum (sáum þetta, fljótt á litið) sem "vexti", og gerði fréttina svona kostulega.

Mér finnst ég samt hafa stundum heyrt/séð þetta í fleirtölu. Það væri þá svo sem ekki í fyrsta skiptið sem fréttamenn væru með meinloku, eins og við öll, a.m.k. öðru hverju :)

Sjúkrabeður og dánarbeður, eru orð sem ég heyri/les oftar rangt en rétt.

[Dita (IP-tala skráð) 9.8.2009 kl. 17:17]

Afró-? Já. BV?

Sjúkrabeður, sjúkrabeð, sjúkrabeð, sjúkrabeðs/sjúkrabeðjar (et.) Karlkynsorð en ekki hvorugkyns eins og margir halda.

Sjúkrabeðir, sjúkrabeði, sjúkrabeðjum, sjúkrabeðja (ft.)

Hann liggur á sjúkrabeðinu!  Hann liggur á sjúkrabeðnum!

Dánarbeður beygist eins.

Síðast þegar ég sá hann lá hann á sjúkrabeðnum. Núna er hann á dánarbeðnum.

[Eygló, 9.8.2009 kl. 19:56]

Djésskolli erum við góðar í þessu hahaha.  Gætum sómt okkur í njósnadeildum.

Já, ég skrifaði í eitt ár sem beturvitringur en hef smám saman fært mig nær MÉR.  Hægt og síðandi komi að bloggnefninu Gló (heiti Eygló) Komin með mynd af mér sjálfri. Svo það er eiginlega fokið í fest skjól.

[Díta (IP-tala skráð) 9.8.2009 kl. 23:12]

Þú verður áfram BV í mínum huga.  Miklu skemmtilegra.

[Eygló, 10.8.2009 kl. 03:04]

Ég er sannlega stolt af því. Kallaðu mig hvað sem er, bara að þú komir stöku sinnum í heimsókn. Verst hvað ég blogga sjaldan orðið.

Það eru allir svo uppfullir af ástandinu að mér fyndist það vera að bera í bakkafullan lækinn að fara að skrifa um Icesave eða ESB.  Þar að auki er ég letidýr.

[Húnbogi Valsson (IP-tala skráð) 10.8.2009 kl. 10:45]

Ég fæ meira að segja hroll þegar talað er um ávexti......Af hverju eru ekki vatnavextir mældir í prósentum?

[Eygló, 10.8.2009 kl. 13:38]

Húnbogi, þegar þú segir þetta skil ég hinar nýju innkaupavenjur í nýju ljósi. Hef minnkað ávaxtakaup til muna. Gerði mér ekki grein fyrir ástæðunni, en sé nú að það er undirmeðvitundin sem tekið hefur í taumana.

[Óskar Þorkelsson, 10.8.2009 kl. 14:53]

afhverju heita ávextir ávextir ?

[Eygló, 10.8.2009 kl. 20:55]

Óskar, ef vex á þér viðbjóðsleg varta... þá er það ávöxtur; vex/hefur vaxið á þér.

Líffæri ekki með talin, þau teljast til forvaxta; hafa vaxið áður en maður fæddist.

Kertavax get ég ekki skýrt út; þarf að grúska svolítið í því. Þigg ábendingar.