MANNANÖFN sem hljóma ókunnuglega í eyrum (hvar annars staðar?) ( I )

Fyrir alllöngu birti ég góða runu mannanafna. Mér þóttu þau sérkennileg og sum allt að því ljót.

Sá listi náði aftur á 19.öld og mörg nafnanna ekki notuð lengur.

Nú sendi vinur mér nýjan lista; lista yfir núlifandi fólk.  Þess vegna eru þarna mörg nöfn sem sumum þykir bara "venjuleg"

Birting þessara nafna eru ekki á neinn ætluð til að gera lítið úr eigendum þeirra, heldur vegna þess að þau eru forvitnileg og mörg sem koma manni algerlega á óvart; vissi ekki að þau væru til.

Abelína		Bótólfur
Aðalfríður		Brimdís
Addbjörg		Brimhildur
Ædís		Bryngeir
Æsa		Burkni Reyr
Æsgerður		Dagmey
Æska		Dagnýr
Agga		Daldís Ýr
Alex Álfþór		Danival
Alfífa		Dína
Alida		Dolinda
Alla Berta		Dómald
Alvilda		Draupnir
Ámundínus		Dúi
Ananías		Dvalinn
Annas		Dýrley
Annika		Dýrmundur
Ármey		Dýrólína
Ármey		Eðalrein
Arna Viðey		Edilon Hellertsson
Árninna		Eðna
Árnmar		Eggþóra
Arnviður Ævarr		Egilína
Árþóra		Eilífur Örn
Ásólfur		Einfríður
Ásólfur		Einfríður
Ásta Sóllilja		Einína
Aþena Mjöll		Eirný Þöll
Auðlín		Elbergur
Auðna Hödd		Eldur
Auðrún		Elentínus
Auðunn Skúta		Elíeser
Baldína Hilda		Elínbjört
Baldrún Kolfinna		Elinór
Baltasar Breki		Ellisif
Baugur		Elspa
Beitir		Engiljón
Benney		Engilráð
Bergkvist		Erlar
Berglín		Erlendsína
Betúel Betúelsson		Erlín
Bjarmi		Erlín
Bjarnína		Ermenga
Bjartur Logi		Esjar
Blædís Dögg		Ester Úranía
Blængur Blængsson		Estiva
Böðvína		Euphemía (Efemía hjá X)
Borga		Evlalia

 

Áfram með stafrófið næst : )

Athugasemdir

[Brjánn Guðjónsson, 11.9.2009 kl. 01:02]

sa að þarna var Baugur. vantar ekki Group fyrir aftan?

[Eygló, 11.9.2009 kl. 01:03]

Haha ha ha.  Það var víst bróðir hans; Kallaður Grúppi

[Jóna Kolbrún Garðarsdóttir, 11.9.2009 kl. 01:04]

Ég átti frænda sem hét Bótólfur og bjó hann í Vatnsmýrinni.  Ég bara man ekki bæjarnafnið í augnablikinu.  Gæti hafa verið Breiðholt??  Ég er ekki viss. 

[Díta (IP-tala skráð) 11.9.2009 kl. 01:55]

Forvitnilegur listi. Tvær nýjar dísir: Blædís og Brimdís.

Fyrst Bryngeir er viðurkennt nafn þarf þá ekki að viðurkenna Atgeir líka?

Eðalrein! Come on, hvað var mannanafnanefnd að hugsa?  Er líka til karlmannsmynd af nafninu? Eðalreinn?

Ekki held ég að það sé gaman að heita Borga?

Það vantar kvenmannsnafnið Arka. Í alvöru, það er til.

Bjarnína! Minnir á krúttlegan kvenkynsbjörn.

Ekki veit ég hvað dóttir konunnar heitir, en um hana sagði móðir hennar nýlega: Hún vill ekki fisk og við reynum að taka tillit til hennar þegar hún er ekki heima.

[Díta (IP-tala skráð) 11.9.2009 kl. 01:56]

Karlmannsmynd á að sjálfsögðu að vera karlkynsmynd.

[Gísli Ingvarsson, 11.9.2009 kl. 06:01]

Skemmtilegur listi og nokkur vel frambærileg nöfn sem sóma sér vel.

[Bumba, 11.9.2009 kl. 06:17]

Komdu sæl.

Gaman að sjá þenna lista þinn. Ég las hann og mér til mikillar gleði þekkti ég nokkra sem heita þessum nöfnum. Þá skal byrja talninguna.

Alída heitir kona, síðast þegar ég vissi var hún enn á lífi, Alvilda, töluvert algengt á norðurlandi og í Dölunum, þekki eina fimm ára sem heitir Alvilda Eyvör,nafnið er upprunalega norskt en kom til Íslands með Möller fjölskyldunni frá Siglufirði. Auðrún, dóttir Þurðíðar vinkonu minnar í Eyjafirði, Bjarmi, sonur Önnu vinkonu minnar á Dalvík, Bjartur Logi, nemandi minn fyrrverandi og organisti, Böðvínu þekkti ég fyrir mörgum árum, bjó við vestanverðan Eyjafjörð, Brimdís, ættuð úr Vestmannaeyjum, vann með henni um tíma þegar ég bjó á Íslandi, Byngeir, frændi minn frá Ólafsfirði, Draupni kannast ég við, og Dúa þekki ég á Akureyri, Eininu þekkti ég líka, ættaða að austan, var gift frænda mínum, Erlendsína, gift frænda mínum í Keflavík, Ermenga, skólasystir mín frá Ólafsfirði, heitir í höfuðið á móðurömmu sinni sem var úr Grímsey og dó ung úr berklum, Efemía nokkuð algengt í minni fjöskyldu í gamla daga.

Mér finnst gaman að sjá þennan lista og átta mig á því að þekkja töluvert margt fólk sem heitir þessum óvenjulegu nöfnum. Svo er það skrýtið, þegar maður kynnsist fólkinu með þessi nöfn þá eru þau ekki lengur óvenjulega eða skrýtin. Með beztu kveðju.

[Rut Sumarliðadóttir, 11.9.2009 kl. 11:03]

Ég slapp. Ermenga var nafnið sem foreldrar mínir voru að hugsa um. Hjúkkit.

[Eygló, 11.9.2009 kl. 13:30]

Bumba - ég á ekki orð, að þú skulir þekkja til svona margra nafna á listanum.

Það eru þó allmörg nöfn þarna sem manni finnst maður hafa heyrt en hélt að væru eldgömul

Svo eru mörg óvenjuleg nöfn sem ekki eru þarna - en þetta er úr viðskipamannalista ónefnds fyrirtækis.

Díta, mér finnst Atgeir alveg koma til greina : )

Rut, já þarna slappstu vel : )

[Bjöggi (IP-tala skráð) 11.9.2009 kl. 15:40]

Er þetta ónefnda fyrirtæki banki?Ef svo er þá grunar mig hvaða banki.

Ég verð nú bara að segja að ég kannast við þónokkuð mörg nöfn á þessum lista, miklu fleirri nöfn en Bumba. Ég á vini (börnin þeirra meðtalin) ættingja og nágranna sem heita mörgum af þessum nöfnum. Fann t.d. fimm nöfn sem búa í götunni minni. 

[Eygló, 11.9.2009 kl. 17:34]

Ekki banki - ég ekki unnið. Gæti verið ballettskóli : )

[Díta (IP-tala skráð) 11.9.2009 kl. 19:16]

Þetta er úr viðskiptamannalista ríkisskattstjóra?

Allir fá ástarbréf frá RSK á hverju ári með þökk fyrir viðskiptin og áskriftina.

BV, hvaða nafn myndir þú velja þér úr listanum?

[Eygló, 11.9.2009 kl. 21:01]

Íbúaskrá Hólmavíkur - þegar allt hefur verið birt.

Dína, nema ég myndi nota ypsilon; Dýna

[Óskar Þorkelsson, 11.9.2009 kl. 22:23]

sonur minn heitir Gróar

[Eygló, 11.9.2009 kl. 23:11]

Óskar - Vitið þið hvað það þýðir? (ekki ég)

[Díta (IP-tala skráð) 11.9.2009 kl. 23:56]

Dýna?! Nehee, ekki fallegt.

Veistu að það sem er dýna á íslensku er sæng á færeysku og sæng á íslensku er dýna á færeysku. Færeyingar sofa á sænginni of breiða dýnuna ofan á sig.

 Passar Baldína eða Bjarnína ekki vel við þig?

[Sæmundur Bjarnason, 12.9.2009 kl. 00:13]

Mér sýnist þetta vera svona 96 nöfn. Eflaust öll fremur sjaldgæf. Kannast samt sæmilega við svona 30 til 35 þeirra.

En gaman að þessu.

Já og það vantar nokkur nöfn. Dæmi eru um að fólk hafi fengið ljót nöfn við skírn en látið breyta þeim síðan.

[Dúa, 12.9.2009 kl. 00:37]

Kannast bara við 7-8 nöfn þarna.

Sá þarna Eggþóru en langamma Völu hét Eggrún og það þykir skottinu skrýtið.

Skemmtilegir svona listar

[Dúa, 12.9.2009 kl. 00:38]

Gleymdi mínu blíðasta  til þín

[Eygló, 12.9.2009 kl. 00:41]

Þetta eru bara fyrstu stafirnir í rófinu.  Dengi yfir ykkur meira síðar.

[Björn Birgisson, 12.9.2009 kl. 13:31]

Var ekki ein LOFTHÆNA á Ströndum hér áður fyrr?

[Eygló, 12.9.2009 kl. 14:19]

Það var a.m.k. ein Lofthæna Guðmundsdóttir, fædd 1842.

Hvað ætli nafnið hafi þýtt þá?  Getur ekki verið það sem okkur finnst núna. Eða voru foreldrar hennar ekki með réttu ráði?

[Húnbogi Valsson (IP-tala skráð) 12.9.2009 kl. 22:04]

Langamma mín hét Vilhelmína Konstantína. Allir sem þekktu hana töluðu um hana með virðingu.

[Óskar Þorkelsson, 12.9.2009 kl. 23:20]

Óskar þýðir að´því ég best veit, dýravinur eða hjartar vinur. nafnið er keltískt og ættað frá írlandi.. samsett úr os og car.. annað þýðir hjörtur og hitt vinur...

[Eygló, 13.9.2009 kl. 02:22]

Húnbogi - Langamma þín hefur verið á næsta bæ við að vera drottning.

Ég hef nokkrum sinnum heyrt Vilhelmína, en man ekki eftir að hafa séð Konstantína.

Drottningarnafn - sérstaklega svona saman.

[Eygló, 13.9.2009 kl. 02:25]

Já, ekki leiðinlegt nafn Óskar.

Ég var nú samt í upphafi að spyrjast fyrir um merkingu nafns sonar þíns.

"Gróar" man alls ekki eftir að hafa heyrt/séð það. Hljómar allavega litríkt og hlýlegt. Merkinguna langar mig að vita : )

[Óskar Þorkelsson, 13.9.2009 kl. 05:45]

Gróar nafnið kom frá mér, og hann er sá eini á landinu sem ber þetta nafn. upprunin en frá ömmu sem heitir Gróa. síðan frétti ég af slysavarnarfélagi fyrir norðann sem heitir einnig Gróar...

[Eygló, 13.9.2009 kl. 15:06]

Ég finn grósku og bjartsýni í nafninu.

[Eygló, 13.9.2009 kl. 15:17]

Þetta hljómaði nú eins og út úr miðli eða spákonu : (

Held samt þú hafir skilið mig. Var bara svo ótrúlega væmið : )

[Lísa Björk Ingólfsdóttir, 20.9.2009 kl. 00:45]

Bjartur Logi var með mér í skólanum:)

Ég þurfti svo fyrir 3 árum að fá samþykki fyrir seinna nafn dóttur minnar sem heitir Lilja Aleta. En það hljómar nú ekkert svo furðulega - er allavega ekki á listanum:)

[Eygló, 20.9.2009 kl. 03:13]

Það er nú mikil birta og hiti í "Bjartur Logi" - mjög fallegt þykir mér.

Aleta "lítur vel út" en ég veit ekki hvað það þýðir, en þú?

Þessi nöfn eru viðskiptamannaskrá fyrirtækis  - á ákveðnum tíma. Þess vegna eru ekki gömul nöfn, ekki krakkar og ekki sjaldgæf / óvenjuleg nöfn þeirra sem EKKI voru þar í viðskiptum. 

[Húnbogi Valsson (IP-tala skráð) 20.9.2009 kl. 06:39]

Ástæðan fyrir sérstökum nöfnum á Vestfjörðum er sú að þeir áttu mikil samskipti við erlenda sjómenn og heiðruðu stundum einhverja þeirra með því að láta heita í höfuðið á þeim. Þannig komu nöfn, eins og: Karvel, Híram og Diego. Aldraður vestfirðingur sagði mér eitt sinn sögur af þessu. Það sem styður þá kenningu er að þetta eru allt karlmannsnöfn. Erlend kvenmannsnöfn komu aðeins úr dönskum sið og Biblíunni.

[Eygló, 20.9.2009 kl. 18:29]

Þetta er skemmtilegt Húnbogi. Vissi ekki þetta og var ekki einu sinni með eigin tilgátu : )   Takk