Beita stjórnvöld mig ofbeldi? - svo heyri ég sagt

(...gengistryggðu lánin)

Ég geri mér enga grein fyrir því að verið sé að fara illa með mig. Kannski kemur að því, án þess að ég geri mér grein fyrir því núna.

Jafn vitlaus og ég var, að vera með gengistryggt lán, er ég vitlaus að skilja ekki að nú sé verið að grafa undan lífsviðurværi mínu með því að Hæstiréttur dæmi slíka viðmiðun ólögmæta.

Það sem olli andlegum þyngslum og hjartaöng; gífurlegt fall íslensku krónunnar, sem líkamnaðist í óyfirstíganlegum hækkunum á lánum tengdum öðrum gjaldmiðlum.

Ólík vaxtakjör í ýmsum löndum; (oftast) miklu lægri lánavextir en hér, voru forsendur þess að lánin, sem við héldum erlend, voru mun lægri vextir. Heyri oftast töluna 3%.

Auðvitað voru lánin ekki BÆÐI gengistryggð OG verðtryggð. Verðtryggt lán sem ég fékk, ber rúmlega 5% vexti (AUK verðtryggingar; FFVT).  Óverðtryggð lán bundust vöxtum eins og þeir voru á hverjum tíma (8-23%)

Nú þegar forsendum fyrir þessum óvenjulega lágu vöxtum (hér á landi!) er kippt út; tengingu við "myntkörfu" , hvernig get ég ætlast til þess að halda þessum 3% vöxtum á láninu?

Yrði verðtrygging lána felld með Hæstaréttardómi, á ég þá að fá að halda áfram að borga þessi 5,1% eins og áður?  Hvað ætla þá þeir sem voru hvorki með gengis- né verðtryggð lán að heimta?  Verða þeir eftir sem áður að borga viðmiðunarvexti Seðlabankans?   Eða bara, aþþí bara?

Geti einhver skýrt út fyrir mér að afleiðing dómsins sé þvílíkt ofbeldi gegn mér, þætti mér vænt um að fá rökstuddar skýringar.  Þá get ég loksins farið að hata einhvern

 

 

 

Toppstöðin - virðingarvert framtak

Hlekkur á Toppstöðina 

Fréttablaðið, 25. jún. 2009

Frumkvöðlarnir verða í Toppstöðinni

Toppstöðin Landsvirkjun hefur gefið heimild fyrir tímabundin afnot af byggingu varaflstöðvar í Elliðarárdal. Fréttabl/Vilhelm

Borgarráð hefur samþykkt að heimila rekstur frumkvöðlaseturs í svokallaðri Toppstöð í Elliðaárdal.

„Hugmyndin felst í því að skapa hönnuðum, arktitektum og iðnaðarmönnum sameiginlegan vettvang til að skapa nýjar vörur, þekkingu og hugvit í afmörkuðu rými varaflstöðvarinnar," segir í greinagerð með tillögu Hönnu Birnu Kristjánsdóttur borgarstjóra. Semja á við áhugahóp um nýtingu Toppstöðvarinnar og sagt koma til greina að hleypa fleirum inn í húsið.

Tveir fyrrverandi borgarstjórar ítrekuðu í borgarráði að rífa ætti bygginguna.

„Ég hef verið og er enn þeirrar skoðunar að rífa eigi Toppstöðina eins og ávallt hefur staðið til, enda húsið lýti í umhverfinu," segir í bókun Vilhjálms Þ. Vilhjálmssonar og tekið er í svipaðan streng í bókun Ólafs F. Magnússonar:

„Ég hvet eindregið til þess að Toppstöðin í Elliðaárdal verði rifin þegar í stað, í fyrsta lagi sem hluti verndunarstefnu gagnvart Elliðaánum í öðru lagi sem hluti atvinnuskapandi verkefnis með skýra framtíðarsýn í þágu komandi kynslóða að leiðarljósi."

Þorleifur Gunnlaugsson, borgarráðsfulltrúi vinstri grænna, sat hjá við atkvæðagreiðsluna. Þorleifur segir nauðsynlegt að rífa húsið en að það verði borginni mjög dýrt á erfiðum tímum. „Borgarráðsfulltrúi VG telur því skynsamlegt að leyfa starfsemi í húsinu um tíma en það verður jafnframt að vera tryggt að sú starfsemi hamli ekki niðurrifi hússins þegar betur árar." - gar

/leturbreytingar eru mínar/ey/

Fleiri forvitnileg nöfn núlifandi Íslendinga ( II )

Eyjalín		Hafalda			Húmdís
Fannlaug		Hagalín			Húni
Feldís		Hagbarður			Indlaug
Fífa		Hagbarður			Indríður
Filippa		Haki			Ingiber
Fjóla Egedía		Hákonía			Ingimagn
Fjólmundur		Hallgunnur			Ingólfína
Fönn		Hárlaugur			Írunn
Forni		Hauður			Ísalína
Fregn		Heiðar Feykir			Ísalína
Freygarður		Heiðdal			Ísar Logi
Freyja Eilíf		Heiðlindur			Íshildur
Friðlín		Heiður Hörn			Íslaug
Friðmey Barkar		Hella			Íunn
Álfur		Helma			Íva
Friðsemd		Hergill			Ívar Hlújárn
Fróðný		Herleifur			Jarmila
Funi		Hermanda			Járnbrá
Fura Ösp		Hermanníus			Járngerður
Gæflaug		Hersilía			Jóakim
Garður		Hersveinn			Jómar
Garibaldi		Hervar			Jón Jarl
Gefn		Hervör Hólmjárn			Dómhildur
Geirtryggur		Hildimundur			Jörína
Gestný		Hildisif			Jórmundur
Gígja Ísis		Híramía			Jörn
Gíslný		Hjörtfríður			Jósavin
Gíslunn		Hjörtína			Júníana
Glóð		Hjörtrós			Jústa
Glódís Tara		Hjörtþór			Jútta
Gnúpur		Hneta Rós			Kamma
Gnýr		Hnikarr			Kára
Gotta		Holger			Karissa
Gottsveinn		Hólmbjörg			Karlý
Grímheiður		Hólmgrímur			Katarínus
Grímhildur		Hólmþór			Katla Lóa
Grímúlfur		Holti			Klementína
Guðbjarni		Hraundís			Kolviður
Guðlín		Muninn			Garibaldi
Guðráður		Hreindís Ylva			Kort
Guðröður		Hróar			Kraki
Guðsteina		Húbert Nói			Ermenrekur
Guðveigur		Hugljúf			Kristóbert
Gunnvant		Hugo			Kýrunnur
Gyðríður		Hulddís			Lárentsínus

MANNANÖFN sem hljóma ókunnuglega í eyrum (hvar annars staðar?) ( I )

Fyrir alllöngu birti ég góða runu mannanafna. Mér þóttu þau sérkennileg og sum allt að því ljót.

Sá listi náði aftur á 19.öld og mörg nafnanna ekki notuð lengur.

Nú sendi vinur mér nýjan lista; lista yfir núlifandi fólk.  Þess vegna eru þarna mörg nöfn sem sumum þykir bara "venjuleg"

Birting þessara nafna eru ekki á neinn ætluð til að gera lítið úr eigendum þeirra, heldur vegna þess að þau eru forvitnileg og mörg sem koma manni algerlega á óvart; vissi ekki að þau væru til.

Abelína		Bótólfur
Aðalfríður		Brimdís
Addbjörg		Brimhildur
Ædís		Bryngeir
Æsa		Burkni Reyr
Æsgerður		Dagmey
Æska		Dagnýr
Agga		Daldís Ýr
Alex Álfþór		Danival
Alfífa		Dína
Alida		Dolinda
Alla Berta		Dómald
Alvilda		Draupnir
Ámundínus		Dúi
Ananías		Dvalinn
Annas		Dýrley
Annika		Dýrmundur
Ármey		Dýrólína
Ármey		Eðalrein
Arna Viðey		Edilon Hellertsson
Árninna		Eðna
Árnmar		Eggþóra
Arnviður Ævarr		Egilína
Árþóra		Eilífur Örn
Ásólfur		Einfríður
Ásólfur		Einfríður
Ásta Sóllilja		Einína
Aþena Mjöll		Eirný Þöll
Auðlín		Elbergur
Auðna Hödd		Eldur
Auðrún		Elentínus
Auðunn Skúta		Elíeser
Baldína Hilda		Elínbjört
Baldrún Kolfinna		Elinór
Baltasar Breki		Ellisif
Baugur		Elspa
Beitir		Engiljón
Benney		Engilráð
Bergkvist		Erlar
Berglín		Erlendsína
Betúel Betúelsson		Erlín
Bjarmi		Erlín
Bjarnína		Ermenga
Bjartur Logi		Esjar
Blædís Dögg		Ester Úranía
Blængur Blængsson		Estiva
Böðvína		Euphemía (Efemía hjá X)
Borga		Evlalia

 

Áfram með stafrófið næst : )

Lyklabörn lánastofnana

Bloggin mín eru rýr. Kem ekki með gáfulegar hugmyndir. Get ekki gargað á skjáinn; forsmáð forkólfa; kallað þá fávita, landráðamenn eða myrkrahöfðingja. Veit ekki hverjir eiga það skilið.

Fer hamförum í að skrifa í athugasemdir hjá öðrum.  Þykist þá hafa vit að umræðuefninu. Færslan og gestir hafa undirbúið mig.  Þetta var persónuleg játning getuleysi.

Þá kemur vangaveltan:

Langt er síðan; hátt í ár. Hvaða ríkisstjórn þá?  Man það ekki. Geir og Ingibjörg?  Jóhanna og Steingrímur?

Allt var á hverfanda hveli og séð frammá að ekkert lagaðist í bráð.  Sýnt var að fólk, upp til hópa, gæti ekki staðið í skilum með afborganir af skuldum sínum. Íbúðaverð lækkaði og það sem jafn slæmt var, íbúðir seldust ekki. Verðbólgan hjó í rauneign íbúðaeigenda. En þetta vita nú allir.

Þess vegna gladdist ég sannarlega þegar staðhæft var að enginn þyrfti að yfirgefa heimili sín. Þeir áttu í versta falli að fá að leigja íbúðirnar "sínar".

Hvílíkur léttir. Að auk þess að missa eign sína, myndi fólk ekki missa heimili sín, börnin þyrftu ekki að yfirgefa heimili sitt, skóla, vini og umhverfi.

Getur einhver frætt mig á því, ef þetta er munað rétt, hvers vegna fólk er þá allt að því dregið af heimilum sínum, og nauðungaruppboðaauglýsingar fylla heilu og hálfu dagblaðasíðurnar?

Ég þekki til svo margra sem gætu lent í þessu. Auk allra þeirra sem þegar hafa lent í þessum hörmungum eða gætu átt þetta yfir höfði sér. Þetta fólk þekki ekki en vil engum svona illt.

Að ærast með stæl. Norðmaður gekk berserksgang.

mbl.is | 05.10.2006 |

Rústaði „hyttunni“ í reiði sinni (innskot: hyttuna)

Rúmlega fimmtugur maður í Bærum í Noregi varð svo reiður þegar bankinn hans leysti til sín sumarbústaðinn hans að hann gekk berserksgang í bústaðnum og lagði innanstokksmuni alla í rúst. Bankinn, DnB NOR, hafði krafist þess að bústaðurinn, eða „hyttan“, yrði seld og höfðu tveir dómar gengið bankanum í hag í deilu um eignarhald á bústaðnum. Eftir að Bærum-manninum hafði verið tilkynnt um úrskurðinn hóf hann að vinna skemmdarverk sín. Hann sagaði gat á þakið og hellti steinsteypu yfir rafmagnstöfluna og í öll niðurföll.

Þá reif hann baðherbergið og eldhúsið í tætlur, fjarlægði arininn og dreifði steypu og olíu um allt. Einnig lét hann vatn renna innandyra og bar á veggina efni sem geta gert að verkum að framvegis verði bústaðurinn óíbúðarhæfur.

Reykjavík 1926 ("Reykjavik, Capitol Of Iceland, 1926")

Leiðrétting:   Óskar Þorkelsson bloggvinur reddaði þessu, hér er myndskeiðið.  Fyrri texti:  Reyndi fimm sinnum að koma þessu inní "YouTube" kerfið en fékk alltaf villuboð.  Myndbandið er hinsvegar svo skemmtilegt, áhugavert og fræðandi, að ég set þá bara hérna inn slóðina. Þá opnar bara hver sem hefur áhuga. 

  

1926:  Flottur karl í flókaskóm;  Einar Finnsson.

Húsbrot og nauðungaruppboð

Með þessum vangaveltum er ég ekki að lýsa vanþóknun minni á yfirvöldum eða bankastofnunum.  Frekar hvort samvinna þeirra á milli sé virk.  Voru það yfirlýsingar án samkomulags við fjármálastofnanir...

• AÐ ENGIR SKYLDU ÞURFA AÐ YFIRGEFA HEIMILI SÍN þótt áhvílandi skuldir færu yfir veðheimildir, já, og færu yfir verðmæti húseignanna.
• Ef það versta dyndi yfir FENGI FÓLK AÐ BÚA ÁFRAM Á HEIMILUM SÍNUM, þá væntanlega sem leigjendur.

Svo hörmuleg sem sú staða nú er / yrði / verður, sýnist manni það örlítið minni brotlending. Börnin fengju að vera áfram "heima", byggju áfram við skólann sinn, fengju að vera HEIMA.  Jafnvel þótt það væri ekki nema að nafninu til.

Ég hef ekki minnstu hugmynd um hvað gerist EFTIR tilkynningar um NAUÐUNGARSÖLU.  Kannski er þetta eitthvert formsatriði að auglýsa, en hvað svo?

Þarf fólkið að fara á götuna ef næst að selja eignina eða hún innkölluð á annan hátt af bankanum?  Fær það að "leigja" heima hjá sér?

Hvers vegna greip maður til þess örþrifaráðs að brjóta og bramla húsið sitt, sem fjármálastofnun hafði tekið til sín vegna vanskila?

Fékk hann og fjölskylda hans ekki að "leigja" heima hjá sér?

Eru gefnar út tilskipanir eða tilmæli til peningastofnana. Ráða þær hvort og hversu hart verði gengið að fólki og heimilum þess.

Það kæmi ekkert á óvart þótt einhver fyndi sig knúinn að gera eitthvað sem honum annars dytti aldrei í hug.

Að brjóta niður eitt og eitt hús er hreinn barnaleikur miðað við það að brjóta niður fólk, fjölskyldur, barnssálir og brjóta niður traust í garð yfirvalda og stofnana - brjóta niður öryggi og traust til flestra, jafnvel til náungans.

Viltu nú ekki ættleiða bankastarfsmann? Gerðu það!

Nýtum tímann, koðnum ekki niður, finnum samherja

Námskeiðin eru opin öllum og það er ekkert þátttökugjald.

 

Nýttu tímann:

Námskeið – Fyrirlestrar – Samvera

er ætlað að ná til atvinnulausra og þeirra sem hafa þurft að minnka við sig vinnu. Verkefnið er að sjálfssögðu opið öllum en áhersla er lögð á að ná til fyrrgreindra hópa. Áhersla er lögð á að leiðbeinendur komi úr röðum sjálfboðaliða og atvinnulausra.  Leiðbeinendurnir þurfa ekki að vera fagmenn heldur bara sjálfboðaliðar með kunnáttu á viðfangsefninu hverju sinni.

 

Námskeiðin verða

 

mars, apríl og maí

á

mánudögum og miðvikudögum

kl. 10-13

 í sjálfboðamiðstöð Rauðakrossdeildar Kópavogs 

Hamraborg 11, 2.hæð

 

Kanntu fatasaum, Tai Chi, jóga, skák, bridds eða á GPS-tæki? Gætirðu hugsað þér að stjórna söngstund eða búa til súpu fyrir þátttakendur?  Endilega komdu,  og við hjálpumst að.