Að ærast með stæl. Norðmaður gekk berserksgang.

mbl.is | 05.10.2006 |

Rústaði „hyttunni“ í reiði sinni (innskot: hyttuna)

Rúmlega fimmtugur maður í Bærum í Noregi varð svo reiður þegar bankinn hans leysti til sín sumarbústaðinn hans að hann gekk berserksgang í bústaðnum og lagði innanstokksmuni alla í rúst. Bankinn, DnB NOR, hafði krafist þess að bústaðurinn, eða „hyttan“, yrði seld og höfðu tveir dómar gengið bankanum í hag í deilu um eignarhald á bústaðnum. Eftir að Bærum-manninum hafði verið tilkynnt um úrskurðinn hóf hann að vinna skemmdarverk sín. Hann sagaði gat á þakið og hellti steinsteypu yfir rafmagnstöfluna og í öll niðurföll.

Þá reif hann baðherbergið og eldhúsið í tætlur, fjarlægði arininn og dreifði steypu og olíu um allt. Einnig lét hann vatn renna innandyra og bar á veggina efni sem geta gert að verkum að framvegis verði bústaðurinn óíbúðarhæfur.

Athugasemdir

[Jóna Kolbrún Garðarsdóttir, 12.7.2009 kl. 02:01]

Það vantar þetta "gen í okkur"   Við kunnum ekki að ærast, allar lyddurnar flúðu Noreg í gamla daga.

[Eygló, 12.7.2009 kl. 02:23]

Eitthvað norskt hefur þá sennilega leynst í húsbrotsmanninum "okkar"  hmm?

[Óskar Þorkelsson, 12.7.2009 kl. 07:10]

var ekki maður að rífa húsið sitt á Álftanesi um daginn ?  mér sýnist að einstaka menn hafi þetta gen ;)

[Rut Sumarliðadóttir, 12.7.2009 kl. 10:26]

Guð hvað ég skil manninn vel...veit ekki hvað ég geri þegar (ekkert ef, bara spurning um tíma) ég hætti að geta borgað af kjallaraholunni minni...

[Úrsúla Jünemann, 12.7.2009 kl. 11:40]

Það ættu miklu fleiri að leggjast  út í tjaldi. Helst í görðum þeirra sem ollu því hvernig komið er.

[Eygló, 12.7.2009 kl. 11:59]

Úrsúla, þetta er besta tillaga sem ég hef séð, um mótmæli.  Enginn hávaði, engin málning, engar skemmdir.  Bara óþolandi pirringur fyrir "vini" okkar.  Ekki það, löggumann tæki sennilega fljótt á okkur, - annað en á "umræddum" Mammonsgoðum.

[Finnur Bárðarson, 13.7.2009 kl. 17:49]

Voru ekki einhverjir franskir að hóta að sprengja verksmiðjuna sem þeir unnu í í loft upp. Það er eitthvað guts í þessu liði.

[Eygló, 13.7.2009 kl. 18:48]

Héðan í frá munu þeir sem hafa "guts" - heita "guttar" í mínum orðaforða.

Er þetta nýlegt með fransmennina og verksmiðjuna?