Búrmús bænir kött um kött

Ég hlýt að misskilja þetta. Vonandi fræðir mig einhver.

Getur það verið að við séum háð þeim sem við viljum losna við, með að losna við þá??%$#   Verðum við að fá "leyfi" þeirra sem við viljum losna undan, hjá þeim hinum sömu?  Ekki nógu vel fram sett, reyni aftur: 

Verður Alþingi að samþykkja að gengið verði til kosninga?  Stjórnin er stolt af því að vantrauststillaga hafi verið felld, og stjórnin standi því styrk.

Ég sé ekkert útúr því nema að þau séu ánægð með sjálf sig?!?

Hvernig förum við að því að fá að kjósa?  Hvaða leið förum við? Hvernig er staðið að stjórnarskrárbreytingum?

Mig sannarlega langar að skilja þetta. Þetta getur ekki verið eins og að sakamenn hefðu það í sínum höndum hvort þeir yrðu látnir lausir eða sætu áfram ...

*1.  á þingi

*2.  í steininum

Athugasemdir

[Jóna Kolbrún Garðarsdóttir, 21.1.2009 kl. 00:24]

Er ekki stjórnum líka steypt af stóli í byltingum.  Er ekki okkar bylting hafin?     Loksins. 

[Björn Birgisson, 21.1.2009 kl. 00:55]

Róleg, brestir eru komnir í stjórnina, þú færð að kjósa fyrr en varir..............

[Myllfríður Högnadóttir (IP-tala skráð) 22.1.2009 kl. 20:49]

Eins mikið og ég vildi losna við ríkisstjórnina núna! er líka skelfilegt til þess að hugsa, ef henni verður sparkað út og landið verður stjórnlaust meðan verið er að koma á bráðabirgðastjórn.

Þegar slík bráðabirgðaríkistjórn yrði mynduð, sem gæti tekið langan tíma, með misvitru fóki sem kannski hefur ekki innsýn í þau verkefni sem eru í gangi, er ekkert víst að þjóðin verði sátt! Byltingin heldur áfram!

Er nema vona að þú spyrjir. Hvernig á nokkur heilvita maður sem stendur fyrir utan Alþingi að vita hvað er í gangi þar? Það er einmitt það sem ég skelfist mest! Það er að vita ekkert hvað er í vinnslu hjá þessu fólki þarna.

Ég hef ekki heyrt í einum einasta flokki, hvorki í stjórn, né andstöðu, sem getur sannfært mig um að eitthvað betra gæti gerst, en sem er að gerast núna. Það eina sem ég vil sjá núna er ákveðin tilkynning um nýjar kostningar. Hvort sem það verður í vor eða haust!

Ég hlusta á allskonar fræðinga....stjórnmála-, viðskipta- og hagfræðinga, en enginn er sammála um eitt eða neitt.

Eitt get ég verið viss um! Ef 5 hagfræðingar koma saman að ræða um lausn vandans, fáum við að velja úr fimm leiðum.

Annars var ég að frétta af Húmoristaflokknum og er að spá í ganga í hann.

Kær kveðja